უპატრონო, მიკედლებულ ცხოველებზე ზრუვნა

სურსათის ეროვნული სააგენტოს მიერ ხორციელდება უპატრონო/მიკედლებული ცხოველების (ძაღლი, კატა) საჭიროებებზე ზრუნვა. უწყება მოსახლეობას მოუწოდებს, დატოვოს შეტყობინება აჭარის, იმერეთისა და კახეთის რეგიონებში უპატრონო ცხოველების ადგილმდებარეობის შესახებ ცხელ ხაზზე 15-01, ითანამშრომლოს პროგრამის ფარგლებში შექმნილ სპეციალურ ეკიპაჟებთან. უზრუნველყოფილი იქნება:

• ცხოველების თავშესაფარში გადაყვანა
• კასტრაცია-სტერილიზაცია
• დიაგნოსტიკური ტესტირება
• თავშესაფარში დროებით დაყოვნება
• საჭიროებისამებრ ცოფის საწინააღმდეგო ვაქცინაცია
• იდენტიფიკაცია-რეგისტრაცია

ვეტერინარული მანიპულაციების ჩატარების შემდეგ, ეკიპაჟები უზრუნველყოფენ ცხოველის ბუნებრივ არეალში დაბრუნებას.

პროგრამის ფარგლებში განსაზღვრულია 9000 უპატრონო/მიკედლებული ცხოველებისთვის ზემოაღნიშნული მანიპულაციების ჩატარება.